Беларускі стэнд аб вышэйшай адукацыі прадстаўлены на прэстыжнай пляцоўцы Еўразійскага саміту па вышэйшай адукацыі EURIE ў Стамбуле (Турцыя).

Вышэйшая адукацыя Беларусі прадстаўлена ў выглядзе краінавага павільёна на 11-м Еўразійскім саміце па вышэйшай адукацыі, які праходзіць у Стамбуле з 7 па 9 красавіка 2026 года.

Па даручэнні Міністэрства адукацыі арганізатарам і каардынатарам выставы выступае Рэспубліканскі інстытут вышэйшай школы.

Акрамя краінавага выставачнага павільёна беларускай дэлегацыяй арганізаваны відэа-мост з прамымі ўключэннямі вядучых цэнтраў кампетэнцый, створаных на базе Беларускага нацыянальнага тэхнічнага ўніверсітэта, Брэсцкага дзяржаўнага тэхнічнага ўніверсітэта і Полацкага дзяржаўнага ўніверсітэта імя Ефрасінні Полацкай.

У арсенале дэлегацыі шмат актыўнасцяў: майстар-класы, інтэрактыўныя віктарыны і конкурсы. Беларускі стэнд вышэйшай школы - адзін з самых наведвальных на выставе. 8 красавіка гасцямі выставы сталі супрацоўнікі Генеральнага консульства Рэспублікі Беларусь у Стамбуле.